SpaceX жасанды интеллект есептеулеріне арналған Nvidia чиптерін сатып алу үшін бейсенбі, 19 қарашада, жалпы сомасы $32 млрд облигация шығарды. Осы шығарылым бойынша қағаздардың кірістілігі жылдық 8%-ден жоғары болды, деп хабарлады Bloomberg агенттігі.
Облигациялар шығарылымын Apollo инвестициялық қоры ұйымдастырды. Мәміле шарттары бойынша SpaceX чиптерді меншігіне алмайды, оларды қордан жалға алады.
Seeking Alpha басылымының жазуынша, бұл мәміле басқа компаниялардың ЖИ инфраструктурасына арналған қаржыландыру схемаларына үлгі бола алады. SpaceX осы жылы ЖИ саласында бірнеше ірі мәміле жасады: компания 12 қарашада Техас пен Аризонадағы ЖИ-кампустарына $74 млрд салатынын жариялады, ал маусымда ЖИ код-редакторы Cursor-ды сатып алуға $60 млрд жұмсауға келісті.


